گونلومدَه آی قالماسین
خوشلوغدان پای قالماسین
تانری مَنی یارادیب
غَملَرسوبای قالماسین

غم، کدَردَن دولموشوق

یارپاق کیمین سولموشوق

بیر شی باهالاشماییب

بیزلر اوجوز اولموشوق

qəm, kədərdən dolmuşuq

yarpaq kimin solmuşuq

bir şey bahalaşmayıb

bizlər ucuz olmuşuq

هی دئمه،هی سوروشما

هارانی سئل آپاردی !

ساری نی،آغی،گؤیی

قارانی سئل آپاردی !

یوخسولو تالان ائتدی

دارانی سئل آپاردی !

آرامیز لاپ قاریشدی

آرانی سئل آپاردی

ارزشی یوخدور داها

پارانی سئل آپاردی !

آپاردی خان چوبانی 
سارانی سئل آپاردی

جاوان؛قاری؛قۏجانی سئل آپاردی!
دَرَه؛تپّه؛اۇجانی سئل آپاردی !

چراغیلان داها آختارما انسان !
تاپیلماز آی فلانی؛سئل آپاردی !

دئدی تلویزیون:«آی آرکاداشلار !
اروپا،آمریکانی سئل آپاردی»!

دولو دۆشدۆ چؤله؛اؤز صیغه سی لَن
بیزیم شیخی؛ژیانی؛سئل آپاردی !

باهالیق سئل کیمین بیر دفعه گلدی !
الی بوش بینوانی سئل آپاردی !

منیم فریادیمی اصلا ائشیتمیر !
مگر گؤیدن خدانی سئل آپاردی؟!!

نه ایمان قالدی بیزلرده نه انصاف !
ایگید هر قهرمانی سئل آپاردی !

سۆده از بس کی سۇ قاتدی؛سۇ ساتدی
داوارایلان چوبانی سئل آپاردی !

بده ای دولت از این اختلاسات

یازیق اؤیرَتمَنه،بیر آز دبیره !

به این اقشار مظلوم و گرفتار
«تومَن»وئر ایسته میرلر«پوند»و«لیره»!

همه هستند در بند گرانی
بوتون اینسانلارا غم اولدو چیره !

مده از وعده های آنچنانی
عمل ائیله،ائشیت،دای اولما خیره !

بگواز«بیست وسی» :آقامعلم
بتر محتاج اولوب نان و پنیرَه

یالان سؤز وئرمه آزدیرما بوخلقی !
ساوادسیز باشلارا یاخدیرما شیرَه

من دئمیرم آلما آل

گرمک، قووون،آلما آل

انسانلاری چاشدیرار

هئی سؤیله مک،آلماآل

‏من ائششگی شیشیلک و کباب ائیله‌دیم، اولدو

سیخدیم اوزومو،شیره،شراب ائیله‌دیم، اولدو

صیغه ائله دی بیر گؤزل آروادی منیم اوچون

سردفتری غرق میِ ناب ائیله‌دیم، اولدو

هی سؤیله‌دیلر کی دئمه هر ناکسه اینسان

اوغرو آداما "آغا"خطاب ائیله‌دیم، اولدو

چون چاتدی ریاست منه لاپ ایشلره سیچدیم

اینسانیت،اخلاقا پئشاب ائیله‌دیم، اولدو

بیر اوغرو قادین سویله‌دی:« قاچدیم وطنیمدَن

آیری یئره و ترک حجاب ائیله‌دیم، اولدو

چونکی الیمه موفته‌،اوغورلوق پولو گلدی

ایچدیم اوزومو مَست و خراب ائیله‌دیم، اولدو

واعظ دئییلم آمما دول آروادلاری گونده

هی عقد ائله‌دیم،صیغه،ثواب ائیله‌دیم، اولدو

چوخ یاوه دئدیم،شاعیر اولوب،شؤهرته چاتدیم

اشعاریمی دیوان و کیتاب ائیله‌دیم، اولدو

گؤنّش ایشیق ساچمادی

قارانلیقلار قاچمادی

یار گَلمه دی قرارا

پنجره نی آچمادی

‏کئچی بالاسی چَپیش دیر
بهمن،دی،اسفند"قیش" دیر
باخیشلارین سون نفس
گولوشون یاشاییش دیر
keçi balası çəpişdir
Bəhmən, Dey, İsfənd qışdır. 
baxışların son nəfəs
gülüşün yaşayışdır.

الاغین آدینی جیران قویوبلار !

پیشیکین آدینی آسلان قویوبلار!

اداره بوشدورآمما یول کسَنلَر

قاپی قانشارینا دربان قویوبلار !

بویورگل«قزوینه»،بانکین اؤنونده

بو خلقه جایزه اوغلان قویوبلار !

اوره کلی اختلاسچیلا ربوگونلر

سیزین تک بیزلری حیرانقویوبلار !

رئیس ِ بانکی،بانکی،قوزاییبلار!

بیزیم ایچین بیرجیریق تومّان قویوبلار !

بیرینین آدینی « مشدی غضنفر»

بیرینین آدینی «یوهان» قویوبلار!

دئییردی بیر قوجا:«چوخ یاخچی گونلَر

گئدیبلَر کؤنلومو ویران قویوبلار»!

دِئمه هرگز یئیبلرموفته رشوه

بو یولدارشوه خورلار جان قویوبلار !!

دئدی بیرعارف انسان،بیرقیزیل سؤز:

"گدانین آدینی سلطان قویوبلار"